器械訓練暗藏危機？！
由於肌力訓練變得越來越普及，訓練器械的設計越來越進步及安全。
器械由於設有移動軌道引導動作方向，因此力量嘅發揮都會集中係特定肌肉上。器械訓練雖然採用嘅動作與自由重量類似，但用到嘅肌肉種類相對比較少。
例如大腿伸展的器械（圖中器械）係集中使用股四頭肌，當進行動作時位於股四頭肌對側嘅腿後肌群都會出力去保持膝蓋位置穩定，假如單獨以股四頭肌用力快速伸直而重量過重，係嗰一瞬間膝蓋會有甩臼/膝頭受傷嘅風險！
雖然有受傷風險，但仍然有好多健美運動員用呢個器械訓練增強股四頭肌，至於點解有風險都咁多人做？因為只要做啱正確嘅動作同合適重量就有好好嘅訓練成效，如果有興趣學習正確嘅用法（圖中器械）可以YouTube 搜尋: 「禁機!!"大腿伸展"掂下都死?? ft.物理治療師 Anthony Poon 」
進行器械訓練對比自由重量訓練固然相對安全，因為有固定軌道可能初學者幾下就會學識使用，但係使用器械前應該充分瞭解/學習動作的運作及訓練部位，就算設計得幾安全如果你亂咁做都會暗藏危機！
如果只係依靠器械訓練唔做自由重量嘅動作會對深層肌肉刺激唔夠，所以全面嘅訓練需要正確使用器械訓練搭配有質量的自由重量訓練，才會令效果顯著及肌肉得到全面嘅提升。
圖/文 ：Hugo
#kofgym #strength #肌肉 #力量 #四頭肌 #健身室 #安全 #器械訓練 #甩臼 #gymhk #hkgym
Search